Vizual Merçendayzer H&M-in Azərbaycan üzrə təyin olunmuş mağaza və ya mağazalarında vizual və kommersiya standartlarının H&M brend təlimatlarına və françayzinq tələblərinə uyğun şəkildə icrasına cavabdehdir. Bu vəzifə məhsulların düzgün yerləşdirilməsi, üslublaşdırma, vitrinlərin hazırlanması və komandanın təlimləndirilməsi vasitəsilə mağazadaxili müştəri təcrübəsini inkişaf etdirir, mövsümi aktivasiya fəaliyyətlərinin ardıcıl kommersiya təqdimatı və tələblərə uyğun icrasını təmin edir.
Vizual və Kommersiya İcrası
Kommersiya təqvimi, mağaza aktivasiya planı və moda konseptləri əsasında mağazada vizual, kommersiya və üslub seçimini H&M brend təlimatlarına tam uyğun şəkildə icra etmək.
Bütün mövsümi Qlobal Aktivasiyaları və Endirim Fəaliyyətlərini H&M Brend Standartlarına uyğun olaraq vaxtında başlatmaq və davamlı şəkildə təmin etmək.
Anbar geyim miqdarları, aksesuarlar və ayaqqabılar daxil olmaqla nümunə seçimi proseslərini həyata keçirmək, vizual və kommersiya təlimatlarına uyğun aydın moda konseptlərinin yaradılmasını təmin etmək.
Müştərilər üçün ilhamverici və kommersiya baxımından effektiv təcrübə yaratmaq məqsədilə vitrinlərin və üslub quruluşlarının vizual və kommersiya təlimatlarına uyğun icra etmək.
Güclü müştəri axınını təmin etmək və əsas moda konseptlərini ön plana çıxarmaq üçün kommersiya planlamasını və avadanlıqların yerləşdirilməsini qoruyub saxlamaq.
Qlobal strategiyaya və yerli satış bazarı tələblərinə uyğun olaraq vitrinlərdə və mağaza daxilində qiymət lövhələrinin düzgün və tam yerləşdirilməsini təmin etmək.
Məhsulları və nümayiş formalarını ön plana çıxarmaq üçün bütün işıqlandırmanın düzgün işləməsini və optimal yerləşdirilməsini təmin etmək məqsədilə Texniki xidmət (Facilities Management) komandası ilə koordinasiya aparmaq.
Dayanıqlılıq və brend standartlarını nəzərə alaraq bütün nümayiş formalarına, avadanlıqlara və interyer elementlərinə qulluq etmək və onları yaxşı vəziyyətdə saxlamaq.
Ən son təlimatlara və mağaza planlamasına uyğun olaraq mağaza naviqasiyasını Head of VM ilə koordinasiyalı şəkildə yeniləmək və qoruyub saxlamaq.
Yerli rutinlərə uyğun olaraq mağazada endirim və promosyon fəaliyyətləri üçün POS daxil olmaqla kifayət qədər materialların mövcudluğunu təmin etmək.
Yerli təhlükəsizlik və əməliyyat təlimatlarına uyğun olaraq satış zalını və arxa sahələri təmiz, səliqəli, təşkilatlanmış və təhlükəsiz saxlamaq.
Kommersiya Performansı və KPI-ların İzlənməsi
Mağazada məhsul yerləşdirilməsi və replenishment proseslərinin hər zaman brend merçendayzinq standartlarına uyğun olmasını təmin etmək.
Satış hesabatlarını və KPI-ları izləmək və təqib etmək; Store Manager ilə əməkdaşlıq çərçivəsində vizual və kommersiya imkanlarını müəyyənləşdirmək və prioritetləşdirmək.
Geyimlərə düzgün qulluq edilməsini və satış zalında uyğun stok səviyyələrinin qorunmasını təmin etmək; Store Management və Area komandalarına allocation ehtiyacları barədə məlumat vermək.
Store Management komandası ilə əməkdaşlıq edərək müştəri məmnuniyyətini artırmaq, satış hədəflərinə və mağaza büdcə məqsədlərinə nail olmağı dəstəkləmək üçün effektiv tədbirlər hazırlamaq.
İş yükünü mağaza aktivasiya planına uyğun təşkil etmək və planlaşdırmaq, biznes ehtiyaclarına əsasən Store Manager və Head of VM ilə əməkdaşlıq çərçivəsində uyğunlaşdırmaq.
Moda və Trendlər üzrə Məlumatlılıq
Moda mühiti, cari trendlər, üslublar, məhsullar, rəqiblər və müvafiq influencer-lər haqqında daim yenilənmiş məlumatlılığa sahib olmaq.
Müştəri ehtiyaclarını əvvəlcədən görmək və mağazadaxili təcrübəni inkişaf etdirmək məqsədilə mood board-ların nəzərdən keçirilməsi və üslublaşdırma texnikaları daxil olmaqla moda və trendlər üzrə məlumatlılıq fəaliyyətlərinə xüsusi vaxt ayırmaq.
Bütün əməkdaşlarda yüksək səviyyəli moda biliyinin qorunması üçün trend məlumatlarını və mövsümi dəyişiklikləri mağaza komandası ilə paylaşmaq.
Komandanın Təlimləndirilməsi və İnkişafı
Brend təlimatlarına uyğun yüksək keyfiyyətli məhsul təqdimatını qorumaq üçün mağaza komandasının vizual və kommersiya bacarıqlarını inkişaf etdirmək və onlara kouçinq vermək.
Mağaza əməkdaşları ilə mövsümi dəyişiklikləri, moda trendlərini, vizual və kommersiya məlumatlarını, həmçinin mağazadaxili kommunikasiya yeniliklərini paylaşmaq, onları ruhlandırmaq və məlumatlandırmaq.
Mağaza komandasının vizual və kommersiya standartlarını davamlı şəkildə qoruması üçün gündəlik rutinlərin və ən yaxşı təcrübələrin inkişafını dəstəkləmək.
Yeni əməkdaşlar üçün VM standartları və brend tələbləri üzrə onboarding təlimi keçirmək.
Mağaza komanda üzvləri üçün vizual və kommersiya bacarıqlarının artırılmasına yönəlmiş təlim sessiyaları təşkil etmək və keçirmək.
H&M-in qlobal, regional və yerli öyrənmə və inkişaf məqsədlərinə əsaslanan vizual və kommersiya təlim modullarını tamamlamaq.
Mağaza Əməliyyatları və Brend Uyğunluğu
Mağazanın bütün sahələrində əməliyyat prosedurlarına, ən yaxşı təcrübələrə və yerli qanuni tələblərə əməl etmək.
Müştərilər və komanda ilə bütün qarşılıqlı əlaqələrdə H&M brendini peşəkar şəkildə təmsil etmək.
VM uyğunluq yoxlama siyahılarına əsasən mütəmadi daxili auditlər aparmaq və nəticələri, eləcə də düzəldici tədbirləri Head of VM-ə bildirmək.
Mağaza səviyyəsində VM ilə bağlı çətinliklər üzrə rəyləri toplamaq və tələb olunduqda Head of VM və brend komandalarına çatdırmaq.
Tələb olunduqda Store Management və Area komandalarına genişlənmə və yeni mağaza layihələri üzrə dəstək göstərmək
Tələblər
Təhsil:
Minimum orta təhsil; moda, dizayn və ya əlaqəli sahə üzrə ali təhsil üstünlükdür.
İş təcrübəsi:
Moda mühitində pərakəndə satış üzrə vizual merçendayzinq və ya üslublaşdırma rolunda minimum 1 il müvafiq iş təcrübəsi; bir neçə mağaza lokasiyasının koordinasiyası üzrə təcrübə üstünlükdür.
Dil bilikləri:
Azərbaycan dili mütləqdir; rus və ya ingilis dili biliyi üstünlükdür.
Peşəkar Bacarıq və Kompetensiyalar:
Vizual merçendayzinq standartları, üslublaşdırma, geyim təqdimatı və kommersiya planlama prinsipləri üzrə güclü biliklər; brend təlimatlarını və planoqramları oxumaq və onlara əməl etmək bacarığı.
Kommersiya düşüncəsi:
Satış məlumatlarını və KPI-ları təhlil etmək, əldə olunan nəticələri praktik vizual təkmilləşdirmələrə çevirmək bacarığı.
Kommunikasiya:
Mağaza komandaları, mağaza rəhbərliyi və Head of VM ilə aydın və effektiv ünsiyyət qurmaq; konstruktiv kouçinq və geribildirim vermək bacarığı.
Təşkilatçılıq:
Güclü planlaşdırma və prioritetləşdirmə bacarıqları; eyni vaxtda bir neçə tapşırığı, aktivasiya prosesini və son icra tarixlərini idarə etmək bacarığı.
Detallara diqqət
Brend tələblərinə uyğunluq, geyim təqdimatı və mağaza mühiti üzrə yüksək standartlara sahib olmaq.
Uyğunlaşma bacarığı:
Dinamik pərakəndə satış mühitində çevik və həll yönümlü olmaq; dəyişən brend tələblərinə və mövsümi prioritetlərə uyğunlaşmaq bacarığı.
Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.
Bacarıqlar: Vizual merçendayzinq, Üslublaşdırma, Pərakəndə satış, Kommersiya planlaması, Məhsul yerləşdirilməsi, KPI izlənməsi, Satış hesabatları, Moda trendləri, POS materialları, VM auditi, Azərbaycan dili, Rus dili