Birbankda Xəzinədarlıq departamentinin Beynəlxalq bankçılıq şöbəsinin mütəxəssisi rolunda beynəlxalq maliyyə institutları ilə strateji tərəfdaşlıqların qurulmasına, bankın beynəlxalq maliyyə bazarlarına çıxışının genişləndirilməsinə və xarici maliyyələşmə imkanlarının artırılmasına töhfə verəcək, FI əlaqələri və beynəlxalq ticarətin maliyyələşdirilməsi sahəsində bilik və bacarıqlara malik mütəxəssis axtarırıq.
Vəzifə öhdəlikləri
Xarici banklar və maliyyə institutları ilə əməkdaşlığın qurulması və mövcud əlaqələrin inkişaf etdirilməsi;
Müxbir bank münasibətlərinin qurulması, hesabların açılması və əlaqəli proseslərin koordinasiyası;
Tərəfdaş bankların KYC sorğularının cavablandırılması, tələb olunan sənədlərin hazırlanması və yenilənməsi;
Beynəlxalq ticarətin maliyyələşdirilməsi alətləri, o cümlədən akkreditivlər, bank qarantiyaları və ticarət kreditləri üzrə işlərin həyata keçirilməsində iştirak edilməsi;
Xarici maliyyə institutlarından maliyyələşmənin cəlb edilməsi üzrə təkliflərin və şərtlərin təhlil edilməsi;
Xarici tərəfdaşlarla yazışmaların aparılması, görüşlərin təşkili və aidiyyəti struktur bölmələrlə işin əlaqələndirilməsi.
Tələblər
Maliyyə, iqtisadiyyat, biznesin idarə edilməsi və ya digər əlaqəli sahələrdə ali təhsil;
Bankçılıq sahəsində ən azı 2 il iş təcrübəsi;
Azərbaycan dilində sərbəst, ingilis və rus dillərində işgüzar yazışma və danışıqlar aparmaq bacarığı;
KYC prosedurları, müştərinin və maliyyə institutlarının tanınması üzrə sənədləşmə tələbləri barədə biliklər;
Beynəlxalq bankçılıq, müxbir bank münasibətləri və ticarətin maliyyələşdirilməsi üzrə baza biliklər;
MS Office proqramları, xüsusilə MS Excel və MS PowerPoint ilə işləmək bacarığı;
Beynəlxalq bankçılıq sahəsində təcrübə və ticarətin maliyyələşdirilməsi üzrə beynəlxalq qaydalar haqqında biliklər üstünlükdür;
Analitik düşüncə və məlumatlara əsaslanan qərarvermə;
Problem həlletmə bacarığı və nəticəyönümlülük;
Effektiv kommunikasiya və komandaya sürətli uyğunlaşma.
Üstünlüklər
Ekosistem səviyyəsində öyrənmə imkanları
Mentorluq və peşəkar inkişaf
Milyonlarla müştəri üçün real təsir yaratmaq
Dəstəkləyici və açıqfikirli mədəniyyət
Texnologiya və biznesin kəsişməsində karyera imkanı
Rəqabətli əməkhaqqı və bonuslar
Yüksək təminatlı sığorta
Visa Premium əməkhaqqı kartı
Korporativ endirimlər
Korporativ tədbirlər
Əlavə məzuniyyət günləri
Şirkət haqqında
Bir Azərbaycanda gündəlik həyatı daha rahat və əlçatan etmək məqsədilə bankçılıq, ödənişlər, e-ticarət və innovativ rəqəmsal xidmətləri bir araya gətirən Qafqazın ilk tam inteqrasiya olunmuş ekosistemidir.
Bir ekosistemi Birbank, Birmarket, m10, Milliön və Future Lab kimi əsas brendləri vahid çətir altında birləşdirərək Azərbaycanın maliyyə xidmətləri, rəqəmsal ödənişlər, e-ticarət və innovasiya sahələrinin inkişafında aparıcı rol oynayır.
Burada işləmək texnologiya ilə dəyər yaratmaq, milyonlarla insana real fayda vermək və gələcəyin həllərini bu gündən qurmaqdır. Bir ekosistemində ideyalar real məhsullara çevrilir, fərqli biznes və sahələr isə öyrənmək, inkişaf etmək və karyeranı istədiyin istiqamətdə qurmaq üçün geniş fürsətlər yaradır.
Skills: Maliyyə, Bankçılıq, KYC, Beynəlxalq bankçılıq, Müxbir bankçılıq, Ticarətin maliyyələşdirilməsi, Akkreditivlər, Bank qarantiyaları, Ticarət kreditləri, İngilis dili, Rus dili, Excel