Keyfiyyətə önəm verən, test proseslərini öyrənməyə və texnologiya sahəsində inkişaf etməyə həvəsli birisinizsə, sizi komandamıza təcrübə keçməyə dəvət edirik.
Bu rolda proqram təminatının test edilməsi proseslərini öyrənəcək, avtomatlaşdırılmış testlərin hazırlanması və icrasında iştirak edəcək, real layihələr üzərində praktiki təcrübə qazanaraq məhsulların keyfiyyətinin təmin olunmasına töhfə verəcəksiniz.
Əgər öyrənməyə həvəsli, diqqətli və analitik düşüncəyə sahibsinizsə, sizi komandamızda görməkdən məmnun olarıq!
Vəzifə öhdəlikləri
- Tam iş günü iş rejimində çalışmaq.
- Avtomatlaşdırılmış test ssenarilərinin yazılması və dəstəklənməsində iştirak etmək.
- Selenium WebDriver (Java) vasitəsilə UI testlərinin hazırlanmasına dəstək göstərmək.
- Postman və/və ya Rest Assured vasitəsilə API testlərinin aparılmasında iştirak etmək.
- Funksional və reqressiya testlərinin avtomatlaşdırılmasına dəstək göstərmək.
- Test nəticələrini təhlil etmək və aşkar edilmiş problemləri sənədləşdirmək.
- Jira-da xətaları qeydə almaq və izləmək (Xray biliyi üstünlükdür).
- Manual test ssenarilərinin avtomatlaşdırılmış testlərə çevrilməsində iştirak etmək.
- Test strategiyalarının və QA proseslərinin təkmilləşdirilməsi üçün komanda ilə əməkdaşlıq etmək.
Tələblər
- Kompüter elmləri, İnformasiya texnologiyaları və ya əlaqəli sahə üzrə ali təhsil (davam edən və ya tamamlanmış);
- Java üzrə əsas biliklər (OOP prinsipləri, metodlar və siniflər);
- UI testlərinin avtomatlaşdırılması üçün Selenium WebDriver üzrə əsas biliklər;
- API testləşdirməsi üzrə anlayış və Postman ilə işləmə təcrübəsi;
- API testlərinin avtomatlaşdırılması üçün Rest Assured üzrə əsas biliklər;
- Git və ya digər versiyaya nəzarət sistemləri üzrə əsas biliklər;
- SQL üzrə əsas biliklər (SELECT, WHERE, JOIN);
- Jira, Xray və ya digər test idarəetmə alətləri ilə tanışlıq;
- Maven və ya Gradle üzrə əsas biliklər;
- CI/CD prinsipləri haqqında anlayış (Jenkins biliyi üstünlükdür);
- Manual testləşdirmə üzrə əsas təcrübə;
- Agile/Scrum metodologiyaları ilə tanışlıq;
- Məsuliyyətli və intizamlı olmaq;
- Güclü analitik düşünmə qabiliyyəti;
- Yeni bilikləri tez mənimsəmək və texniki bacarıqları inkişaf etdirmək həvəsi;
- Problemlərin həllinə yönəlmiş düşüncə tərzi;
- Həm müstəqil, həm də komanda ilə işləmək bacarığı.
Üstünlüklər
- Real layihə və tapşırıqlarda iştirak edərək praktiki təcrübə qazanmaq;
- Peşəkar mütəxəssislərdən öyrənmək və biliklərini təcrübədə tətbiq etmək;
- Komanda işi, ünsiyyət və problem həlli bacarıqlarını inkişaf etdirmək;
- Korporativ iş mühitini yaxından tanımaq və karyera maraqlarını müəyyənləşdirmək;
- Gələcək karyera imkanları üçün Bir ekosisteminin istedad hovuzuna daxil olmaq.
Şirkət haqqında
Bir Azərbaycanda gündəlik həyatı daha rahat və əlçatan etmək məqsədilə bankçılıq, ödənişlər, e-ticarət və innovativ rəqəmsal xidmətləri bir araya gətirən Qafqazın ilk tam inteqrasiya olunmuş ekosistemidir.
Bir ekosistemi Birbank, Birmarket, m10, Milliön və Future Lab kimi əsas brendləri vahid çətir altında birləşdirərək Azərbaycanın maliyyə xidmətləri, rəqəmsal ödənişlər, e-ticarət və innovasiya sahələrinin inkişafında aparıcı rol oynayır.
Burada işləmək texnologiya ilə dəyər yaratmaq, milyonlarla insana real fayda vermək və gələcəyin həllərini bu gündən qurmaqdır. Bir ekosistemində ideyalar real məhsullara çevrilir, fərqli biznes və sahələr isə öyrənmək, inkişaf etmək və karyeranı istədiyin istiqamətdə qurmaq üçün geniş fürsətlər yaradır.
Skills: Java, Selenium WebDriver, Postman, Rest Assured, Git, SQL, Jira, Xray, Maven, Gradle, CI/CD, Manual testləşdirmə